ഫുട്ബോൾ ഫൈനൽ

 

വിജയം ; മേരിഗിരി പബ്ലിക്‌ സ്കൂളിന്

കൂത്താട്ടുകുളം : കൂത്താട്ടുകുളം മേരിഗിരി പബ്ലിക്‌ സ്കൂളിന് പന്ത്രണ്ടാം ക്ലാസ്സ്‌ സി.ബി.എസ്.ഇ പരീക്ഷയിൽ 100% വിജയം. 101 കുട്ടികൾ എഴുതിയ പരീക്ഷയിൽ മൂന്ന് പേർക്ക് എല്ലാ വിഷത്തിനും A1 ലഭിച്ചു. 19 ത് വിദ്യാർത്ഥികൾക്ക് 90% ന് മുകളിൽ മാർക്കും, 42 വിദ്യാർത്ഥികൾക്ക് 80% ന് മുകളിൽ മാർക്കും, 28 വിദ്യാർത്ഥികൾക്ക് 70% ന് മുകളിൽ മാർക്കും, 12 വിദ്യാർത്ഥികൾക്ക് 60% ന് മുകളിൽ മാർക്കും ലഭിച്ചു. പരീക്ഷയെഴുതിയതിൽ എല്ലാ കുട്ടികൾക്കും 60% ന് മുകളിലും ലഭിച്ചു എന്ന പ്രത്യേകതയും ഈ വർഷമുണ്ട്.96.6% സയൻസിൽ കാജോൾ ഹരിക്കും, 92.4% കൊമേഴ്സിൽ രമ്യ ടെരേസാ തോമസിനും ലഭിച്ച് ഒന്നാം സ്ഥാനത്ത് എത്തി. ഷിമി സുരേഷ്, സോനറ്റ് സണ്ണി, സോനു ആൻ സണ്ണി എന്നി വിദ്യാർത്ഥികൾക്കാണ് A1 ലഭിച്ചത്. സ്കൂൾ പ്രിൻസിപ്പൽ ഫാ. ബിജു ജോർജും മറ്റ് അദ്ധ്യാപകരും ചേർന്ന് വിജയികളെ അനുമോദിച്ചു.

ഓഡിറ്റോറിയത്തിന്‍റെ ഉദ്ഘാടനം.

കൂത്താട്ടുകുളം : ഉപ്പുകണ്ടം പബ്ലിക് ലൈബ്രറിയില്‍ നിര്‍മ്മിച്ച ഓഡിറ്റോറിയത്തിന്‍റെ ഉദ്ഘാടനം ജോസഫ് വാഴയ്ക്കന്‍ എം.എല്‍.എ. നിര്‍വഹിച്ചു. ലൈബ്രേറിയനായി ദീര്‍ഘകാലം സേവനമനുഷ്ഠിച്ച പി.ജെ. മത്തായിയുടെ ഛായാചിത്രം പാലക്കുഴ പഞ്ചായത്ത് പ്രസിഡന്‍റ് ഉഷ ശ്രീകുമാര്‍ അനാച്ഛാദനം ചെയ്തു.സംസ്ഥാന ലൈബ്രറി കൗണ്‍സില്‍ അംഗം കെ.പി. രാമചന്ദ്രന്‍ മുഖ്യപ്രഭാഷണം നടത്തി. എസ്എസ്എല്‍സി പുരസ്‌കാരം ബ്ലോക്ക് പഞ്ചായത്തംഗം ഉല്ലാസ് തോമസ്, ഗായത്രി രാജുവിന് നല്‍കി.ലൈബ്രറി പ്രസിഡന്‍റ് വി.എം. ജോണ്‍ അധ്യക്ഷനായി. ജോസ് കരിമ്പന, കെ.എം. ഗോപി, ജോഷി സ്‌കറിയ, കെ.എ. തോമസ്, കെ.വി. മേരി, പി.ജെ. മാത്യു, കെ.ജെ. ജോസ്, ഷാജി ജോണ്‍ എന്നിവര്‍ പ്രസംഗിച്ചു.

ബ്ലേയ്ഡുകൾ വിതറിയിരിക്കുന്നു.

---------------------------------------------------

കൂത്താട്ടുകുളം: കൂത്താട്ടുകുളം സെൻട്രൽ ജംഗ്ഷനിൽ സെന്‍റ് ജോണ്‍സ് യാക്കോബായ സുറിയാനി പള്ളിയുടെ മുന്നിലെ കാൽനട യാത്രക്കാർ നടന്നുപോകുന്ന നടപ്പാതയിൽ ഉപയോഗം കഴിഞ്ഞ ബ്ലേയ്ഡുകൾ വിതറിയിരിക്കുന്നു. പലരുടേയും കാലിൽ കൊണ്ടു മുറിവ് പറ്റിയപ്പോഴാണ് സംഭവം ശ്രദ്ധയിൽപ്പെട്ടത്. ബാർബർഷോപ്പുകളിൽ ഉപയോഗിക്കുന്ന ബ്ലേയ്ഡിന്‍റെ പകുതി മുറിച്ചാണ് വിതറിയിരിക്കുന്നത്. ആരെങ്കിലും മന:പ്പൂർവ്വം ചെയ്തതാവാനാണ് സാധ്യതയെന്ന് സമീപത്തെ വ്യാപാരികൾ പറഞ്ഞു. സംഭവം പഞ്ചായത്ത് അധികൃതരെ അറിയിച്ചിട്ടും യാതൊരുനടപടിയും സ്വീകരിച്ചിട്ടുമില്ല. ഏറ്റവും കൂടുതൽ ജനങ്ങൾ നടന്നുപോകുന്ന വഴിയിലാണ് ഇത് വിതറിയിരിക്കുന്നത്.എന്നാൽ ബ്ലേയ്ഡ്‌ വിതറിയ സംഭവത്തിൽ ദൂരൂഹതയുണ്ടെന്നും സംഭവത്തെക്കുറിച്ച് പോലീസ് അന്വേഷണം നടത്തിബ്ലേയ്ഡ്‌ വിതിറിയവർക്കെതിരെ ശക്തമായ നടപടി സ്വീകരിക്കണമെന്നും വ്യാപാരികൾ

നാടോട്ടുക്കും